Замонамиз алломаси, фақиҳи, Покистон диёри собиқ бош қозиси, муфтий шайх Муҳаммад Тақий Усмоний ҳафизаҳуллоҳ айтадилар:

“Кеча бир солиҳ киши телефондан менга алоқага чиқди. Мен у кишини танийман.Тушида кўп бора Расулуллоҳ соллаллоҳу алайҳи васалламни зиёрат қилиб туриши ҳақида хабарим бор эди. Айтишича, кечаси Расулуллоҳ соллаллоҳу алайҳи васалламни тушида кўрибди. Ул зот ҳозирги кунда ҳаммани ташвишга солаётган вабо ва бошқа барча ёмонликлардан сақланиш учун қуйидагиларни ўқишни тавсия қилибдилар:

1. Фотиҳа сурасини 3 марта;
2. Ихлос сурасиини 3 марта;
3. Ҳасбуналлооҳу ва ниъмал вакийл (Бизга Аллоҳ таоло кифоядир ва Ул Зот энг яхши вакилдир) дуосини 313 марта.

Шайх Муҳаммад Тақий Усмоний ҳафизаҳуллоҳ туш кўрган кишининг гапини айтиб бўлиб шундай дедилар: “Тўғри, туш Қуръони карим ва ҳадиси шарифдай шаръий ҳужжат бўлмаса-да, бизга туш орқали бирор хушхабар келса, одатда унга амал қилиш фойдадан холи бўлмайди. Шунинг учун тушни кўрган биродаримиз барчага манфаатли бўлишини умид қилиб, мендан Расулуллоҳ соллаллоҳу алайҳи васалламнинг мазкур тавсияларини тарқатишимни илтимос қилди. Қайси бир мусулмон мазкур тавсияларни астойдил бажарса, Аллоҳ таоло уни бу коронавирус балосидан Ўз ҳифзида сақлашини умид қиламиз.

Аллоҳ таоло барчамизни паноҳида асрасин.

Ғиёсиддин Ҳабибуллоҳ таржимаси

Манба:Азон.уз