Мир Араб олий мадрасасида 2021-2025 йилларда таълим олган талабаларнинг “Хатмона-2025” битирув тадбири бўлиб ўтди.
Muallif: . .
Sana: 02.06.2025
284

Жорий йилнинг 31-май куни Мир Араб олий мадрасасида 2021-2025 йилларда таълим олган талабаларнинг “Хатмона-2025” битирув тадбири бўлиб ўтди.

Тадбир анъанага кўра Қуръони карим тиловати билан бошланди.

Тадбирни Мир Араб олий мадрасаси ректори, Ўзбекистон мусулмонлари идорасининг Бухоро вилояти вакили устоз Жобир домла Элов кириш сўзи билан очиб берди. Устоз Жобир домла Элов ташриф буюрган меҳмонлар ва битирувчиларни бугунги тадбир юзасидан самимий муборакбод этди ҳамда анжумандан кўзда тутилган асосий мақсадлар, илм олиш фазилати, Олий мадрасанинг фаолияти шунингдек, эришилган ютуқлар юзасидан алоҳида тўхталиб, юртимиз истиқлолга эришган дастлабки йиллардан ҳар соҳада бўлгани каби муқаддас динимиз ва диний қадриятларга ҳам алоҳида эътибор қаратилаётганлиги, муҳтарам юртбошимизнинг оқилона сиёсатлари билан асрларга татигулик ишлар амалга оширилаётганлигини таъкидлаб ўтди ҳамда Олий мадраса фаолияти тўғрисидаги видеоролик тадбир иштирокчилари эътиборига ҳавола қилинди.

Шундан сўнг устозлар Жобир домла Элов, Абдуғофур домла Раззоқов ва Исмоилжон домла Ҳамроқулов томонидан битирувчиларга салла кийдириш маросими ўтказилди ҳамда эсдалик совғалари топширилди.

Шунингдек, тадбирда битирувчи талабаларнинг чиқишлари бўлиб ўтди. Мазкур чиқишлар орқали талабалар олган билимлари, устоз билан билим олиш фазилати тадбир иштирокчилари эътиборига ҳавола қилинди. Шу билан бир қаторда Олий мадраса ўқитувчилари Шайх Аҳмад ал-Мисрий ҳамда Шайх Аҳмад ал-Адавий битирувчиларга ўзларининг самимий табрикларини йўллади.

Тадбир давомида устоз Жобир домла Элов ҳамда Ўқув ишлари бўйича проректор Учқун домла Авлиёқулов томонидан барча битирувчиларнинг ота-оналарига ташаккурномалар топширилди.

Тадбир сўнгида устоз Исмоилжон домла Ҳамроқулов битирувчи талабаларнинг келгусида ишларига барака, ривож тилаб, юртимиз тинчлиги, халқимиз фаровонлиги борасида дуойи хайрлар қилди.

. .