Шавкат Мирзиёев ўқитувчи ва мураббийларни табриклаб, соҳа ходимларидан бир гуруҳини мукофотлади
Muallif: . .
Sana: 30.09.2021
31

1 октябрь — Ўқитувчи ва мураббийлар куни муносабати билан бир гуруҳ устоз ва мураббийлар унвон, орден ҳамда медаллар билан мукофотланди.

Президент Шавкат Мирзиёев умумхалқ байрами — Ўқитувчи ва мураббийлар куни билан соҳа ходимларини қутлаб, табрик йўллади. Табрик матни президент матбуот хизмати томонидан эълон қилинди.

Қуйида табрик матни тўлиғича тақдим этилади.

Муҳтарам устоз ва мураббийлар!

Қадрли фахрийлар!

Аввало, сиз, азизларни, таълим-тарбия соҳасининг барча жонкуяр ходимларини умумхалқ байрами — Ўқитувчи ва мураббийлар куни билан чин қалбимдан самимий муборакбод этаман.

Ушбу қутлуғ айёмда сиз, заҳматкаш устозларга кўнглимизда, юрагимизда бўлган юксак ҳурмат-эҳтиром ва эзгу тилакларни сўз билан тўлиқ ифода этиш қийин, албатта. Чунки сизлар дунёдаги энг бебаҳо бойлик ва боқий меросни яратиш, уни халқимизга, униб-ўсиб келаётган ёш авлодимизга безавол етказиш йўлида чинакам фидойилик кўрсатиб меҳнат қилаётган улуғ инсонларсиз. Бу улкан бойлик — ақл-заковат ва илм, бу ўлмас мерос — яхши тарбиядир.

Шу боис бугун сизларнинг шаънингизга билдираётган олижаноб истакларимиз, таъзим ва ташаккурларимизни бутун эл-юртимизнинг чексиз ҳурмат ва эҳтироми рамзи сифатида қабул этгайсиз.

Азиз юртдошлар!

Мамлакатимизда сўнгги йилларда илм-фан ва таълим-тарбия соҳасини давлат сиёсатининг устувор йўналишига айлантиришга қаратилган, оилада фарзанд туғилганидан бошлаб, камолот ёшига етгунга қадар уни ҳар томонлама қўллаб-қувватлайдиган, ҳаётда муносиб ўрин топишига хизмат қиладиган яхлит ва узлуксиз тизим яратилмоқда.

Биз бу жараёнда инсон капиталига эътиборни янада кучайтириш, бунинг учун барча имкониятларни сафарбар этиш борасида муҳим дастур ва лойиҳаларни амалга оширмоқдамиз. Масалан, беш йил олдин юртимизда 5 минг 211 та боғча фаолият кўрсатган бўлса, ҳозирги кунда бу рақам 19 минг 316тага, тизимдаги қамров 62 фоизга, 6 ёшдаги болалар ўртасида эса 77 фоизга етди.

Мамлакатимизда янги турдаги ва янги сифат босқичидаги таълим масканлари, хусусан, Президент мактаблари, ижод мактаблари, ихтисослашган мактаблар фаолият юритмоқда. Ҳозирги кунга келиб, математика йўналишида 112та, физика йўналишида 14та, кимё-биология бўйича 87та, информатика ва ахборот-коммуникация технологиялари бўйича 99та, хорижий тиллар бўйича 207та ихтисослашган мактаблар фаолият олиб бораётганини алоҳида таъкидлаб ўтиш лозим.

Олий таълим соҳасида ҳам жиддий ислоҳотлар амалга оширилмоқда. Охирги беш йилда чет эллардаги нуфузли олий таълим муассасалари билан ҳамкорликда 67та янги университет ва институтлар ҳамда филиаллари барпо этилиб, уларнинг умумий сони 144тага етказилгани, қамров даражаси 3 карра ортиб, 9 фоиздан 28 фоизга етгани ҳам шундан далолат беради.

Жорий ўқув йилида энг замонавий талаб ва стандартлар асосида ташкил этилган Янги Ўзбекистон университети дастлабки талабаларни ўз бағрига қабул қилди.

Бундай янгиланиш жараёнларида устоз-мураббийларимизнинг ишга, ҳаётга муносабати ва масъулияти тубдан ўзгариб, уларнинг доимий изланиб, янгиликка интилиб яшаётгани, илғор таълим технологиялари ва методикаларини пухта ўзлаштириб бораётгани, ҳеч шубҳасиз, ҳал қилувчи аҳамият касб этмоқда.

Муҳтарам ватандошлар!

Бугунги шиддатли замон олдимизга қандай мураккаб вазифаларни қўяётганини барчамиз кўриб, билиб турибмиз. Уларни ҳал этиш ва эзгу мақсадларимизга етиш, дунё миқёсида рақобатбардош бўлиш учун халқимизни, авваламбор, ёшларимизни илм-фан, маърифат ва маънавият, тараққиёт ютуқлари билан қуроллантиришимиз керак.

Айни шу мақсадда таълим мазмунини тўлиқ янгилаш учун мамлакатимиз олимлари, тажрибали педагоглар ва хорижий экспертларни кенг жалб қилган ҳолда, Миллий ўқув дастури яратилиб, босқичма-босқич амалиётга татбиқ этилмоқда.

Замонавий дарсликларни яратиш бўйича дастлабки натижаларга эришилиб, жорий йилда илк бор бир миллиондан ортиқ бошланғич синф ўқувчиларимиз янги дарсликлар бўйича таълим олмоқда.

Бугунги кунда олий таълим тизимини янги сифат босқичига кўтариш, соҳадаги мавжуд муаммоларни бартараф этиш, олийгоҳларимизни таълим ва илм-фаннинг йирик марказларига айлантириш бўйича бошлаган катта ишларимизни жадал давом эттиришимиз лозим.

Таълим соҳасининг яна бир муҳим вазифаси — фаол фуқаролик позициясига эга бўлган, Ватан ва халқ манфаатларини қатъий ҳимоя қила оладиган, замонавий, кенг фикрлайдиган ёшлар авлодини шакллантиришдан иборат. Шу сабабли «Узлуксиз таълим тизимида ижтимоий фанларни ўқитиш тартиби ва тамойиллари концепцияси»ни ишлаб чиқиш ва уни амалиётга жорий этиш объектив заруратга айланмоқда, деб ўйлайман.

Ҳурматли устоз ва мураббийлар!

Жамиятимизда боғча тарбиячиси, мактаб муаллими, олийгоҳларнинг профессор-ўқитувчилари ва илмий-ижодий зиёлиларни бугун биз интилаётган Учинчи Ренессанснинг тўрт таянч устуни деб эътироф этмоқдамиз. Шундан келиб чиқиб, уларнинг ҳурмат-эътиборини ошириш, хусусан, муаллим ва устозларнинг қадри, шаъни ва ғурурини тиклаш, машаққатли ва шарафли меҳнатини моддий ва маънавий рағбатлантириш бўйича бошлаган ишларимизни албатта янги поғонага кўтарамиз.

Сиз, азизларни қутлуғ байрамингиз билан яна бир бор табриклаб, барчангизга сиҳат-саломатлик, бахту саодат, эзгу фаолиятингизда улкан муваффақиятлар, хонадонларингизга файз-у барака тилайман.

Ҳамиша соғ-омон бўлинг, муҳтарам устозлар!

Президентнинг «Ўқитувчи ва мураббийлар куни муносабати билан таълим-тарбия тизимида алоҳида ўрнак кўрсатган ходимлардан бир гуруҳини мукофотлаш тўғрисида»ги фармони ҳам имзоланган.

Мамлакатда таълим тизимини халқаро стандартлар асосида ривожлантириш, соҳага доир ислоҳотларни муваффақиятли амалга ошириш, ўқув-тарбия жараёнига илғор хорижий тажрибалар, инновацион педагогик ва ахборот-коммуникация технологияларини кенг жорий этиш ишларига қўшган муносиб ҳиссаси, ўқувчиларга илм-фан асослари ва замонавий касб-ҳунарларни ўргатиш, уларнинг интеллектуал салоҳиятини юксалтиришдаги ташаббускорлиги ва фидойилиги, юқори малакали кадрларни тайёрлаш, жисмоний ва маънавий жиҳатдан баркамол авлодни шакллантириш, ёшларни ватанпарварлик, миллий ва умуминсоний қадриятларга ҳурмат руҳида буюк аждодларга муносиб ворислар этиб тарбиялаш борасидаги ибратли фаолияти ҳамда ижтимоий ҳаётдаги фаол иштироки учун қуйидагилар фахрий унвон, орден ва медаллар билан мукофотланган:

«Ўзбекистон Республикаси халқ ўқитувчиси» фахрий унвони билан

Имамова Сайёра Абдурахмановна - Каттақўрғон шаҳридаги 11-ихтисослаштирилган умумий ўрта таълим мактабининг 10-В синф раҳбари, физика фани ўқитувчиси, Cамарқанд вилояти

Каримов Рахматулла Ташбаевич - Учтепа туманидаги 81-ихтисослаштирилган умумий ўрта таълим мактабининг математика фани ўқитувчиси, Тошкент шаҳри

«Ўзбекистон Республикасида хизмат кўрсатган халқ таълими ходими»фахрий унвони билан

Асетова Сарбике Алеуовна - Қонликўл туманидаги 4-умумий ўрта таълим мактабининг физика фани ўқитувчиси, Қорақалпоғистон Республикаси

Некрасова Татьяна Павловна - Миробод туманидаги 60-ихтисослаштирилган умумий ўрта таълим мактаби директори, Тошкент шаҳри

Норметов Миллавой Жумабаевич - Бўстонлиқ туманидаги 44-умумий ўрта таълим мактаби директори, Тошкент вилояти

Юлдошева Шохида Саъдуллаевна - Хатирчи туманидаги 22-умумий ўрта таълим мактабининг биология фани ўқитувчиси, Навоий вилояти

«Ўзбекистон Республикасида хизмат кўрсатган ёшлар мураббийси» фахрий унвони билан

Курбанова Надира Сахабовна - Ўзбекистон Республикаси Маданият вазирлигининг «Томоша» болалар мусиқий театр-студияси директори

Қараева Хосият Ўроқовна - Денов туманидаги 1-умумий ўрта таълим мактаби директори, Сурхондарё вилояти

Хикматов Фазлиддин - Ўзбекистон Миллий университетининг қуруқлик гидрологияси кафедраси профессори

Шнайдер Ольга Михайловна - Марғилон шаҳридаги 10-болалар мусиқа ва санъат мактаби директори, Фарғона вилояти

«Ўзбекистон Республикасида хизмат кўрсатган спорт устози» фахрий унвони билан

Муродов Камол Эргашевич - Спорт яккакурашлари бўйича республика олий спорт маҳорати мактабининг дзюдо бўлими мураббийси

Нормурадов Ашур Назарович - Енгил атлетика бўйича республика олий спорт маҳорати мактаби мураббийси

«Фидокорона хизматлари учун» ордени билан

Каримова Угулжон Салаевна - Тошкент ахборот технологиялари университети Урганч филиали академик лицейининг математика фани ўқитувчиси, Хоразм вилояти

Курамбаев Каримбай - Нукус давлат педагогика институтининг ўзбек адабиёти кафедраси профессори, Қорақалпоғистон Республикаси

«Меҳнат шуҳрати» ордени билан

Абибуллаева Анифе Аблязизовна - Сирдарё туманидаги 1-умумий ўрта таълим мактабининг 9-А синф раҳбари, математика фани ўқитувчиси, Сирдарё вилояти

Атаева Матлюба Яхияевна - Бухоро шаҳридаги 24-кўриш имконияти чекланган болалар учун ихтисослаштирилган мактаби директорининг ўқув ишлари бўйича ўринбосари, Бухоро вилояти

Булатов Саидахбор Собитович - Тошкент давлат педагогика университетининг тасвирий санъат кафедраси профессори

Валиева Олмос Солиевна - Қўқон шаҳридаги 12-Меҳрибонлик уйи тарбиячиси, Фарғона вилояти

Жамолова Мавжуда Жамиловна - Бухоро вилояти «Баркамол авлод» болалар мактаби директори

Жуманиёзова Умида Садуллаевна - Хива шаҳридаги 121-кўзи ожиз болалар учун ихтисослаштирилган мактаб-интернатининг 6-А синф раҳбари, бошланғич синф ўқитувчиси, Хоразм вилояти

Кадиров Аманулла Азизович - Тошкент давлат техника университети ҳузуридаги Стратегик инновациялар ва информатизация тармоқлараро маркази директори

Каюмова Гулчехра Мухаммоджоновна - Тўрақўрғон тумани Исҳоқхон Ибрат номидаги мактаб-интернати директори, Наманган вилояти

Кудярова Елизавета Савитовна - Қорақалпоғистон Республикаси 10-кўзи ожиз ва заиф кўрувчи болалар учун ихтисослаштирилган мактаб-интернатининг рус тили фани ўқитувчиси

Лагутина Ольга Владимировна - Учқудуқ туманидаги 3-умумий ўрта таълим мактабининг 2-Б синф раҳбари, бошланғич синф ўқитувчиси, Навоий вилояти

Мирзаева Донохон Мадаминовна - Қўрғонтепа туманидаги «Мурувват» ногиронлиги бўлган болалар учун интернат уйи тарбиячиси, Андижон вилояти

Мирзаева Умида Миррахимовна - Олмазор туманидаги 243-умумий ўрта таълим мактабининг 5-Б синф раҳбари, она тили ва адабиёт фани ўқитувчиси, Тошкент шаҳри

Муминова Нурхон Тургуновна - Яккасарой туманидаги 89-умумий ўрта таълим мактабининг жисмоний тарбия фани ўқитувчиси, Тошкент шаҳри

Насридинов Холмамат Кўзиевич - Қибрай туманидаги касб-ҳунар мактаби катта устаси, Тошкент вилояти

Низомова Дилфуза Латифовна - Каттақўрғон туманидаги 15-умумий ўрта таълим мактабининг 11-Б синф раҳбари, биология фани ўқитувчиси, Самарқанд вилояти

Рахматов Абдусамат Нигматович - Шаҳрисабз туманидаги 6-ихтисослаштирилган умумий ўрта таълим мактаб-интернатининг 10-А синф раҳбари, математика фани ўқитувчиси, Қашқадарё вилояти

Саидходжаева Нигора Эргашевна - Сергели туманидаги 300-ихтисослаштирилган умумий ўрта таълим мактаби директори, Тошкент шаҳри

Сулеймонова Зайнабхон Уринбоевна - Марҳамат туманидаги 3-ихтисослаштирилган умумий ўрта таълим мактаб-интернатининг физика фани ўқитувчиси, Андижон вилояти

Тилагов Ахмадкул Абдуазимович - Жиззах шаҳридаги 3-умумий ўрта таълим мактабининг 5-А синф раҳбари, математика фани ўқитувчиси, Жиззах вилояти

Усмонов Аслонқул - Қарши туманидаги 19-умумий ўрта таълим мактабининг рус тили фани ўқитувчиси, Қашқадарё вилояти

Хожимуродова Дилфуза Эшболтаевна - Шеробод туманидаги 37-умумий ўрта таълим мактабининг 3-А синф раҳбари, биология фани ўқитувчиси, Сурхондарё вилояти

I даражали «Соғлом авлод учун» ордени билан

Рахимова Дилдора Джураевна - Кармана туманидаги 1-мактабгача таълим муассасаси мудири, Навоий вилояти

Тиллаева Зебо Ербековна - Тошкент давлат стоматология институти академик лицейининг биология фани ўқитувчиси

II даражали «Соғлом авлод учун» ордени билан

Абдурахманова Наргиза Хикматиллаевна - Тошкент педиатрия тиббиёт институти академик лицейининг биология фани ўқитувчиси

Аминов Руфат Шавкатович - Хива шаҳридаги Президент мактаби директори, Хоразм вилояти

Ахмедов Комил Юнусханович - Ангрен шаҳридаги айрим фанлар чуқур ўрганиладиган ихтисослаштирилган мактаб-интернати директори, Тошкент вилояти

Ивановская Алла Владимировна - Мирзо Улуғбек туманидаги 71-умумий ўрта таълим мактабининг физика фани ўқитувчиси, Тошкент шаҳри

Кошерова Абадан Тнишбаевна - Мўйноқ туманидаги 3-умумий ўрта таълим мактабининг география фани ўқитувчиси, Қорақалпоғистон Республикаси

Маматмуродова Ойтути Рахмонкуловна - Жомбой туманидаги 2-мактабгача таълим муассасаси тарбиячиси, Самарқанд вилояти

Машарипова Гуламдон Эгамбергановна - Урганч шаҳридаги 5-умумий ўрта таълим мактабининг бошланғич синф ўқитувчиси, Хоразм вилояти

Муродова Новбаҳор Нематовна - Яккабоғ туманидаги 3-мактабгача таълим муассасаси мудири, Қашқадарё вилояти

Назарова Фатима Мустафакуловна - Гулистон шаҳридаги 8-умумий ўрта таълим мактабининг 6-Г синф раҳбари, она тили ва адабиёт фани ўқитувчиси, Сирдарё вилояти

Нурматова Гулчехра Хамидуллаевна - Мингбулоқ туманидаги 19-умумий ўрта таълим мактабининг 3-А синф раҳбари, бошланғич синф ўқитувчиси, Наманган вилояти

Паноева Сайёра Тўраевна - Бухоро шаҳридаги 32-Меҳрибонлик уйи тарбиячиси, Бухоро вилояти

Расулов Хаят Заирович (марҳум) - Тошкент архитектура-қурилиш институтининг гидротехника иншоотлари, замин ва пойдеворлар кафедраси профессори

Рахимов Ўткир Шакиржанович - Узун туманидаги 4-умумий ўрта таълим мактабининг жисмоний тарбия фани ўқитувчиси, Сурхондарё вилояти

Розикова Шохидахон Алижоновна - Андижон туманидаги 25-умумий ўрта таълим мактабининг бошланғич синф ўқитувчиси, Андижон вилояти

Содикова Розия Жўраевна - Бухоро шаҳридаги 5-умумий ўрта таълим мактабининг бошланғич синф ўқитувчиси, Бухоро вилояти

Хасанов Олимжон Абдукаимович - Шароф Рашидов туманидаги 3-умумий ўрта таълим мактабининг жисмоний тарбия фани ўқитувчиси, Жиззах вилояти

Худайберганов Гулмирза - Ўзбекистон Миллий университетининг математик анализ кафедраси профессори

Юлдашева Хакима Бафоходжаевна - Ўзбекистон туманидаги 13-мактабгача таълим муассасаси тарбиячиси, Фарғона вилояти

Яхёев Нурулло Якубович - Навоий шаҳридаги математика, физика ва инглиз тили фанларига ихтисослаштирилган мактаб-интернати директори, Навоий вилояти

«Дўстлик» ордени билан

Абдирова Гулаим Чаржауовна - Нукус шаҳридаги 1-ихтисослаштирилган умумий ўрта таълим мактаби директори, Қорақалпоғистон Республикаси

Алимова Светлана Алексеевна - Оҳангарон шаҳридаги 4-умумий ўрта таълим мактабининг математика фани ўқитувчиси, Тошкент вилояти

Бавенд Елена Бахрамовна - Тошкент шаҳридаги «Competencies Development Centre» нодавлат таълим муассасасининг математика фани ўқитувчиси

Бердиева Мукаррама Анваровна - Тошкент шаҳридаги Ёджу техника институтининг рус тили кафедраси мудири

Бокиева Рохатхон Сайпиддиновна - Наманган шаҳридаги 26-Меҳрибонлик уйи тарбиячиси, Наманган вилояти

Бороздина Лариса Лориевна - Юнусобод туманидаги 5-умумий ўрта таълим мактабининг 11-А синф раҳбари, инглиз тили фани ўқитувчиси, Тошкент шаҳри

Ғозибекова Матлуба Давроновна - Боёвут туманидаги 37-умумий ўрта таълим мактабининг кимё ва биология фанлари ўқитувчиси, Сирдарё вилояти

Давланова Дилором Ахмадовна - Қўшработ туманидаги 81-умумий ўрта таълим мактабининг она тили ва адабиёт фани ўқитувчиси, Самарқанд вилояти

Джабборова Замира Қудратовна - Косон туманидаги 57-умумий ўрта таълим мактабининг инглиз тили фани ўқитувчиси, Қашқадарё вилояти

Ибрагимова Насибахон Рустамжоновна - Пахтаобод тумани мактабгача таълим бўлими мудири ўринбосари, Андижон вилояти

Каландарова Райхан Амановна - Амударё туманидаги 36-умумий ўрта таълим мактабининг 7-А синф раҳбари, кимё фани ўқитувчиси, Қорақалпоғистон Республикаси

Максудов Илхомжон Нишонбоевич - Косонсой туманидаги 44-имконияти чекланган болалар учун ихтисослаштирилган мактаб тарбиячиси, Наманган вилояти

Мирзаева Зулфия Холматовна - Қарши шаҳридаги «Мурувват» ногиронлиги бўлган болалар учун интернат уйи энагаси, Қашқадарё вилояти

Мирсаидов Мирзиёд - Тошкент ирригация ва қишлоқ хўжалигини механизациялаш муҳандислари институтининг назарий ва қурилиш механикаси кафедраси мудири

Молдабаева Насиба Кабуловна - Ўрта Чирчиқ туманидаги 65-умумий ўрта таълим мактабининг рус тили ва адабиёти фани ўқитувчиси, Тошкент вилояти

Муратова Алфия Назгатовна - Жарқўрғон туманидаги 1-мактабгача таълим муассасаси тарбиячиси, Сурхондарё вилояти

Мухаметшина Нурия Мағсумовна - Жиззах шаҳридаги 29-Меҳрибонлик уйи тарбиячиси, Жиззах вилояти

Новикова Ирина Николаевна - Мирзо Улуғбек туманидаги 105-имконияти чекланган болалар учун ихтисослаштирилган мактаб-интернатининг бошланғич синф ўқитувчиси, Тошкент шаҳри

Рузиева Наргиза Иргашевна - Қувасой шаҳридаги 90-кар болалар учун ихтисослаштирилган мактаб-интернатининг она тили ва адабиёт фани ўқитувчиси, Фарғона вилояти

Сидикова Саёра Уразалиевна - Томди туманидаги табиий фанларни чуқурлаштириб ўқитишга ихтисослаштирилган мактаб-интернатининг 11-А синф раҳбари, математика фани ўқитувчиси, Навоий вилояти

Султонов Пўлатжон Салимович - Геология фанлари университетининг нефть ва газ конлари геологияси факультети декани

Тахмазов Чингиз Карам огли - Зарафшон шаҳридаги «Алпомиш» спорт мажмуасининг самбо бўйича катта мураббийси, Навоий вилояти

Тохтасимов Шухрат Махмутович - Ўзбекистон давлат хореография академияси ректори

Узаков Акрам Нурмухамедович - Иштихон туманидаги болалар ва ўсмирлар спорт мактабининг бокс бўйича мураббийси, Самарқанд вилояти

Ураева Дармон Саидахмедовна - Бухоро давлат университетининг ўзбек тили ва адабиёти кафедраси профессори, Бухоро вилояти

Фаттоев Бахтиёр Жабборович - Сариосиё туманидаги 9-умумий ўрта таълим мактабининг физика фани ўқитувчиси, Сурхондарё вилояти

Чен Елена Леонидовна - Урганч шаҳридаги 10-умумий ўрта таълим мактабининг информатика фани ўқитувчиси, Хоразм вилояти

Шодманова Мухаббат Бойзақовна - Жиззах вилояти кўзи ожиз ва заиф кўрувчи болалар учун махсус мактаб-интернатининг математика фани ўқитувчиси

Элмуратов Абдуманнаб Сапарович - Сардоба туманидаги 14-умумий ўрта таълим мактабининг физика фани ўқитувчиси, Сирдарё вилояти

«Содиқ хизматлари учун» медали билан

Адизова Фируза Бобоқуловна - Ўзбекистон Республикаси Ички ишлар вазирлиги Навоий академик лицейининг тарих ва ҳуқуқ фанлари катта ўқитувчиси, Навоий вилояти

Ахмедова Махпират Лапасовна - Самарқанд давлат тиббиёт институти академик лицейининг кимё фани ўқитувчиси, Самарқанд вилояти

Бойназаров Равшанбек Рашидович - Сурхондарё вилояти кўзи ожиз ва заиф кўрувчи болаларга ихтисослаштирилган 125-мактаб- интернатининг математика фани ўқитувчиси

Ботирова Дилафруз Носировна - Зафаробод туманидаги 3-умумий ўрта таълим мактабининг 2-В синф раҳбари, бошланғич синф ўқитувчиси, Жиззах вилояти

Бўстонов Лутфидин Қўшақович - Олтинкўл туманидаги 5-умумий ўрта таълим мактабининг мусиқа фани ўқитувчиси, Андижон вилояти

Газибаева Динора Рахматходжаевна - Тошкент шаҳридаги имконияти чекланган шахслар учун ихтисослаштирилган 1-касб-ҳунар мактаби директорининг ёшлар билан ишлаш бўйича ўринбосари

Душабоева Фазилат Абдумўминовна - Бўка туманидаги 8-умумий ўрта таълим мактабининг кимё ва биология фанлари ўқитувчиси, Тошкент вилояти

Жонибекова Нодира Шералиевна - Мирзачўл туманидаги 14-умумий ўрта таълим мактабининг физика фани ўқитувчиси, Жиззах вилояти

Жуманов Фарход Каримович - Чироқчи тумани халқ таълими бўлими мудири, Қашқадарё вилояти

Жураева Феруза Хайруллаевна - Шофиркон қишлоқ хўжалиги маҳсулотлари технологияси техникумининг махсус фан ўқитувчиси, Бухоро вилояти

Закирова Зулфия Тураевна - Сирдарё вилояти 70-санаторий туридаги мактаб-интернати психологи

Икромова Норгул Шароповна - Миробод туманидаги 294-умумий ўрта таълим мактабининг бошланғич синф ўқитувчиси, Тошкент шаҳри

Иноятов Ислом Юсупович - Тошкент «Темурбеклар мактаби» ҳарбий-академик лицейининг тарих фани бош ўқитувчиси

Кожалепесова Индира Оралбаевна - Мўйноқ туманидаги касб-ҳунар мактаби директори, Қорақалпоғистон Республикаси

Қулмуратов Айбек Омирханович - Шуманай туманидаги 1-умумий ўрта таълим мактабининг тасвирий санъат ва чизмачилик фанлари ўқитувчиси, Қорақалпоғистон Республикаси

Қурбаниязов Дауитбай Қалбаевич - Қорақалпоғистон Республикаси Жўқорғи Кенгесининг Ижтимоий-маданий ривожланиш ва жамоат бирлашмалари масалалари қўмитаси раиси

Мамадалиев Собир Иргашевич - Чилонзор тумани халқ таълими бўлими мудири, Тошкент шаҳри

Маматқулов Асқар Фахриддинович - Олмалиқ шаҳридаги 80-кар ва заиф эшитувчи болалар учун ихтисослаштирилган мактаб-интернати директори, Тошкент вилояти

Мирзаева Салимахон Райимжановна - Андижон давлат университетининг ўзбек адабиётшунослиги кафедраси профессори, Андижон вилояти

Розиқов Камолиддин Усмонович - Тошлоқ туманидаги 6-умумий ўрта таълим мактабининг биология фани ўқитувчиси, Фарғона вилояти

Саидов Амин Ҳалим ўғли - Бухоро шаҳридаги 35-умумий ўрта таълим мактабининг кимё фани ўқитувчиси, Бухоро вилояти

Самадова Ҳуснора Неъматовна - Нишон туманидаги 18-умумий ўрта таълим мактабининг она тили ва адабиёт фани ўқитувчиси, Қашқадарё вилояти

Сапаева Мукаддас Артиковна - Янгиариқ туманидаги 37-ихтисослаштирилган умумий ўрта таълим мактабининг 11-А синф раҳбари, биология фани ўқитувчиси, Хоразм вилояти

Содиков Алимардон Абдухоликович - Данғара тумани халқ таълими бўлими мудири, Фарғона вилояти

Султонова Мохида Зайнидиновна - Янгиқўрғон туманидаги 21-умумий ўрта таълим мактабининг 7-Е синф раҳбари, она тили ва адабиёт фани ўқитувчиси, Наманган вилояти

Тургунов Шерзод Мўйдинович - Бешариқ туманидаги 3-ихтисослаштирилган умумий ўрта таълим мактабининг 6-В синф раҳбари, информатика фани ўқитувчиси, Фарғона вилояти

Хакимова Хулкар Абдусаттаровна - Шўрчи тиббиёт коллежининг махсус фан ўқитувчиси, Сурхондарё вилояти

Хамдамов Каромат Ҳақбердиевич - Бухоро давлат университети Қоракўл академик лицейининг физика фани ўқитувчиси, Бухоро вилояти

Худайбердиева Дилфуза Жакбаровна - Мингбулоқ педагогика коллежининг махсус фан ўқитувчиси, Наманган вилояти

Хусанова Нигора Яхшибоевна - Пахтачи туманидаги 24-умумий ўрта таълим мактабининг она тили ва адабиёт фани ўқитувчиси, Самарқанд вилояти

Эшниязов Эргаш Маҳмудович - Тупроққалъа туманидаги хусусий ўқув-тайёрлов курси физика ва математика фанлари ўқитувчиси, Хоразм вилояти

Югай Аурика Иннакентевна - Сирдарё туманидаги касб-ҳунар мактабининг тарих фани ўқитувчиси, Сирдарё вилояти

Юлдашев Носиржон Хайдарович - Фарғона политехника институтининг физика кафедраси профессори, Фарғона вилояти

«Соғлом турмуш» медали билан

Атаджанова Сайёра Кутимовна - Спорт ўйинлари ва енгил атлетикага ихтисослаштирилган болалар ва ўсмирлар спорт мактабининг гандбол бўйича мураббийси
Маткаримов Фарход Камилович - Спортнинг қишки ва мураккаб техник турлари бўйича республика олий спорт маҳорати мактабининг бодибилдинг, фитнес ва мас-рестлинг бўйича мураббийси

«Келажак бунёдкори» медали билан

Абдуваҳитов Бозормурод - Жиззах давлат педагогика институти академик лицейининг биология фани ўқитувчиси, Жиззах вилояти

Болтаев Бобурбек Матёқуб ўғли - Абу Али ибн Сино номидаги ихтисослаштирилган мактабнинг кимё фани ўқитувчиси, Тошкент шаҳри

Хайбатуллаева Сожидахон Зайнатуллаевна - Олмазор туманидаги «Alixan kids» нодавлат мактабгача таълим муассасаси раҳбари, Тошкент шаҳри

«Шуҳрат» медали билан

Абдуазимова Сурайё Шодмонкуловна - Янгиер шаҳридаги 9-умумий ўрта таълим мактабининг инглиз тили фани ўқитувчиси, Сирдарё вилояти

Абдукаримов Хафизилла Ваққосович - Чуст туманидаги 12-умумий ўрта таълим мактабининг 8-Б синф раҳбари, математика ва информатика фанлари ўқитувчиси, Наманган вилояти

Абдукаримова Гулбахор Бахтияровна - Андижон шаҳридаги «Brilliant Education» нодавлат таълим муассасаси раҳбари, Андижон вилояти

Абдуллаева Дилобар Дехқоновна - Тўрақўрғон туманидаги 22-умумий ўрта таълим мактабининг 10-Б синф раҳбари, физика фани ўқитувчиси, Наманган вилояти

Абдурахманова Дилноза Абдураимовна - Қарши шаҳридаги 17-имконияти чекланган болалар учун ихтисослаштирилган таълим муассасаси дефектологи, Қашқадарё вилояти

Абдусаттарова Шахноза Бахтияровна - Тошкент туманидаги 11-умумий ўрта таълим мактабининг 7-В синф раҳбари, инглиз тили фани ўқитувчиси, Тошкент вилояти

Абророва Нозила Сидиқхоновна - Поп туманидаги 9-умумий ўрта таълим мактабининг 11-А синф раҳбари, биология фани ўқитувчиси, Наманган вилояти

Аметов Саламат Муратбаевич - Кегейли туманидаги 14-умумий ўрта таълим мактабининг физика фани ўқитувчиси, Қорақалпоғистон Республикаси

Атаджанов Азамат Бекчанович - Урганч мақом санъатига ихтисослаштирилган мактаб-интернати директори, Хоразм вилояти

Атаниязова Гулшат Сейтниязовна - Ибройим Юсупов номидаги ижод мактабининг қорақалпоқ тили ва адабиёти фани ўқитувчиси, Қорақалпоғистон Республикаси

Ашуров Фарход Тўлқинович - Деҳқонобод туманидаги 77-умумий ўрта таълим мактабининг кимё фани ўқитувчиси, Қашқадарё вилояти

Ашурова Азиза Эркиновна - Термиз шаҳридаги 12-Меҳрибонлик уйи тарбиячиси, Сурхондарё вилояти

Бойматова Ойсанам Юлдошовна - Денов туманидаги «Kinderland-kids» нодавлат мактабгача таълим муассасаси таъсисчиси, Сурхондарё вилояти

Ғайбуллоева Дилдора Пулотовна - Қоровулбозор туманидаги 9-мактабгача таълим муассасаси тарбиячиси, Бухоро вилояти

Дехканова Дилноза Ташпулатовна - Самарқанд давлат чет тиллар институтининг инглиз тили филологияси кафедраси катта ўқитувчиси, Самарқанд вилояти

Джалалов Азамат Ахрарович - Муҳаммад Ал-Хоразмий номидаги ихтисослаштирилган мактабнинг информатика фани ўқитувчиси, Тошкент шаҳри

Джумакулова Шахло Давлятовна - Тошкент давлат техника университети Термиз филиали академик лицейининг информатика фани ўқитувчиси, Сурхондарё вилояти

Ёдгорова Ёқутхон Авазхоновна - Учкўприк туманидаги 15-умумий ўрта таълим мактабининг тарих фани ўқитувчиси, Фарғона вилояти

Жумаева Дилафрўз Нормуродовна - Навоий шаҳридаги касб-ҳунар мактабининг информатика фани етакчи ўқитувчиси, Навоий вилояти

Замонов Зокир Турғинович - Ўзбекистон давлат жаҳон тиллари университетининг ижтимоий фанлар кафедраси катта ўқитувчиси

Имамходжаева Азиза Анваровна - Халқ таълими вазирлиги тасарруфидаги филология фанларига ихтисослаштирилган умумий ўрта таълим мактабининг бошланғич синф ўқитувчиси

Исамухамедова Дилфуза Садриддиновна - Тошкент шаҳридаги «Future Education» нодавлат таълим муассасаси директори

Исмоилова Урингул Жахонгировна - Навоий шаҳридаги Меҳрибонлик уйи тарбиячиси, Навоий вилояти

Ишпулатова Умида Убайдуллаевна - Ғаллаорол туманидаги 5-мактабгача таълим муассасаси тарбиячиси, Жиззах вилояти

Каримов Содиқ Шербоевич - Музработ туманидаги касб-ҳунар мактабининг информатика ва ахборот технологиялари фани ўқитувчиси, Сурхондарё вилояти

Каримова Айша Розимбаевна - Элликқалъа туманидаги 40-умумий ўрта таълим мактабининг 4-А синф раҳбари, бошланғич синф ўқитувчиси, Қорақалпоғистон Республикаси

Каримова Жўрахон Абдурахимовна - Гулистон шаҳридаги Болалар шаҳарчаси психологи, Сирдарё вилояти

Касимов Умиджон Улмасович - Ургут туманидаги 34-умумий ўрта таълим мактабининг бошланғич синф ўқитувчиси, Самарқанд вилояти

Косимов Кодиржон Мамасадикович - Риштон туманидаги «Ibn Sino education» нодавлат таълим мактаби раҳбари, Фарғона вилояти

Қосимов Адҳам Бахриддинович - Қамаши туманидаги 38-умумий ўрта таълим мактабининг она тили ва адабиёт фани ўқитувчиси, Қашқадарё вилояти

Махаматов Усмон Жумаваевич - Республика олимпия захиралари коллежининг белбоғли кураш бўлими катта мураббийси

Махамматдинова Лола Махамматдиновна - Ўзбекистон давлат санъат ва маданият институти Нукус филиалининг бахшичилик йўналиши ўқитувчиси, Қорақалпоғистон Республикаси

Махкамова Сурайё Анваровна - Паркент туманидаги 7-умумий ўрта таълим мактабининг 8-А синф раҳбари, физика фани ўқитувчиси, Тошкент вилояти

Махмудова Мадинабону Латифовна - Навоий вилояти кўриш имконияти чекланган болалар учун ихтисослаштирилган мактабининг бошланғич синф ўқитувчиси

Машарипов Улуғбек Зарипович - Урганч хизмат кўрсатиш ва сервис техникумининг махсус фан ўқитувчиси, Хоразм вилояти

Мехманова Дилбархон Нўманжановна - Наманган туманидаги 3-умумий ўрта таълим мактабининг 11-Б синф раҳбари, кимё фани ўқитувчиси, Наманган вилояти

Муминова Гулмира Меликуловна - Оқдарё туманидаги 48-умумий ўрта таълим мактабининг она тили ва адабиёт фани ўқитувчиси, Самарқанд вилояти

Муродов Жўрабек Норбоевич - Пешку туманидаги 18-умумий ўрта таълим мактабининг математика фани ўқитувчиси, Бухоро вилояти

Нормуродова Бибижамол Қудратовна - Ангор туманидаги 13-умумий ўрта таълим мактабининг кимё фани ўқитувчиси, Сурхондарё вилояти

Пирматова Лола Азамовна - Боёвут туманидаги 13-мактабгача таълим муассасаси тарбиячиси, Сирдарё вилояти

Рахимова Зубайда Аллаёровна - Боғот туманидаги 10-умумий ўрта таълим мактабининг 7-Е синф раҳбари, кимё фани ўқитувчиси, Хоразм вилояти

Рахимова Марҳабо Авазовна - Оқдарё туманидаги 1-оилавий болалар уйи директори, Самарқанд вилояти

Рахимова Фируза Гелдиевна - Муборак туманидаги 28-ихтисослаштирилган умумий ўрта таълим мактабининг бошланғич синф ўқитувчиси, Қашқадарё вилояти

Рузикулова Зебо Алиқуловна - Навоий шаҳридаги 11-ихтисослаштирилган умумий ўрта таълим мактабининг биология фани ўқитувчиси, Навоий вилояти

Рузиқулова Шохиста Анарбаевна - Пайариқ туманидаги 44-умумий ўрта таълим мактабининг 2-А синф раҳбари, кимё фани ўқитувчиси, Самарқанд вилояти

Сайдазимова Ирода Алишеровна - Тошкент шаҳридаги «RIKS education» ўқув маркази инглиз тили фани ўқитувчиси

Салихов Баходир Рихсибаевич - Юқори Чирчиқ туманидаги 3-умумий ўрта таълим мактабининг тасвирий санъат ва чизмачилик фанлари ўқитувчиси, Тошкент вилояти

Саломов Шерназар Баҳодирович - Қоракўл туманидаги халқаро математика мактабининг 7-А синф раҳбари, математика фани ўқитувчиси, Бухоро вилояти

Самандарова Мавлюда Абдувасиевна - Бухоро мақом санъатига ихтисослаштирилган мактаб-интернатининг мақом йўналиши ўқитувчиси, Бухоро вилояти

Саматов Отабек Қахрамонович - Шаҳрихон туманидаги «SDK Group And» масъулияти чекланган жамияти бош директори, Андижон вилояти

Саннонова Дилфуза Арслонбековна - Хўжаобод туманидаги 4-имконияти чекланган болалар учун ихтисослаштирилган таълим муассасаси логопеди, Андижон вилояти

Саттарова Мохидил Арзимуротовна - Арнасой туманидаги 2-умумий ўрта таълим мактабининг 9-А синф раҳбари, кимё фани ўқитувчиси, Жиззах вилояти

Сулаймонова Саида Сайдуллаевна - Фурқат туманидаги 35-умумий ўрта таълим мактабининг физика фани ўқитувчиси, Фарғона вилояти

Сулейманова Юлдуз Эркинбаевна - Хонобод шаҳридаги 9-ихтисослаштирилган умумий ўрта таълим мактаби директорининг маънавий-маърифий ишлар бўйича ўринбосари, Андижон вилояти

Султонов Саидмахмуд Ғуломович - Бувайда туманидаги «Водий автомаиший хизмат» масъулияти чекланган жамияти раҳбари, Фарғона вилояти

Суярова Санобар Зарфуллаевна - Жиззах вилояти «Умид» ихтисослаштирилган умумий ўрта таълим мактаб-интернати директори

Тошмирзаева Ирода Илхомовна - Балиқчи туманидаги 35-умумий ўрта таълим мактабининг инглиз тили фани ўқитувчиси, Андижон вилояти

Турдалиева Умида Камилевна - Юнусобод туманидаги 21-Меҳрибонлик уйи тарбиячиси, Тошкент шаҳри

Турдибаева Гулчехра Пирназовна - Жиззах вилояти кар болалар махсус мактаб-интернатининг она тили ва адабиёт фани ўқитувчиси

Убайдуллаева Наргиза Кабуловна - Қорақалпоғистон Республикаси 1-Меҳрибонлик уйи тарбиячиси

Убайдуллоев Алишер Нематиллоевич - Когон туманидаги касб-ҳунар мактабининг информатика фани ўқитувчиси, Бухоро вилояти

Уринбоева Марифатой Хайитбоевна - Наманган муҳандислик-технология институти академик лицейининг кимё фани ўқитувчиси, Наманган вилояти

Усманова Нигорахон Улуғбековна - Уйчи туманидаги 11-умумий ўрта таълим мактабининг 7-В синф раҳбари, немис тили фани ўқитувчиси, Наманган вилояти

Усмонхўжаева Фируза Сабитжановна - Яшнобод туманидаги 30-Меҳрибонлик уйи директори, Тошкент шаҳри

Хакимова Гулчехра Азимовна - Тўрткўл туманидаги 40-умумий ўрта таълим мактабининг 7-Д синф раҳбари, инглиз тили фани ўқитувчиси, Қорақалпоғистон Республикаси

Хакназаров Абдусалом Абдурауфович - Китоб туманидаги 1-оилавий болалар уйи директори, Қашқадарё вилояти

Хатамова Иродахон Мадаминхожаевна - Гулистон туманидаги 15-умумий ўрта таълим мактабининг мусиқа фани ўқитувчиси, Сирдарё вилояти

Хожиев Дилмурод Баходирович - Андижон давлат университети академик лицейининг математика фани ўқитувчиси, Андижон вилояти

Холикова Гулнора Мухаммадовна - Улуғнор туманидаги 20-умумий ўрта таълим мактабининг 11-Б синф раҳбари, кимё ва биология фанлари ўқитувчиси, Андижон вилояти

Шеров Данияр Досчанович - Қўшкўпир туманидаги 4-ихтисослаштирилган умумий ўрта таълим мактабининг 8-А синф раҳбари, математика фани ўқитувчиси, Хоразм вилояти

Шодиева Зулайхо Вафоқуловна - Кармана туманидаги 2-умумий ўрта таълим мактабининг математика ва информатика фанлари ўқитувчиси, Навоий вилояти

Шоматов Наримонжон Қаюмович - Қўқон давлат педагогика институти академик лицейининг математика фани ўқитувчиси, Фарғона вилояти

Эркаева Гулмира Ирназаровна - Нуробод туманидаги «Баркамол авлод» болалар мактабининг «Эко-дизайн» тўгараги раҳбари, Самарқанд вилояти

Юлдашева Мохидилхан Камалдожоновна - Сергели туманидаги 6-ихтисослаштирилган умумий ўрта таълим мактабининг 7-Д синф раҳбари, физика фани ўқитувчиси, Тошкент шаҳри

Юсупова Хайрнисо Соқибоевна - Бахмал туманидаги 62-умумий ўрта таълим мактабининг француз тили фани ўқитувчиси, Жиззах вилояти

Ярашова Шахноза Насимовна - Термиз туманидаги 12-ихтисослаштирилган умумий ўрта таълим мактабининг инглиз тили фани ўқитувчиси, Сурхондарё вилояти

Манба kun.uz

. .