Адлия вазири Русланбек Давлетов давлат ташкилотларидаги коррупцион ҳолатлар ва бунинг миллий менталитетга алоқадорлиги борасида фикр билдириб, миллий анъаналар жамият ривожига тўсқинлик қилса, улардан воз кечиш кераклигини таъкидлади.
Лекин ҳали шаффофлик борасида қиладиган ишларимиз жуда кўп, давлат дастурини кўрадиган бўлсак, «Очиқ ва шаффоф ҳукумат» деган дастур ишлаб чиқилиши керак, биз бунга масъулмиз – аллақачон лойиҳани ишлаб чиққанмиз», дея Русланбек Давлетовнинг сўзларини келтирмоқда Kun.uz мухбири.
У байрамлар вақтида амалдорларга совға-саломлар бериш анъанага айланганини танқид қилиб ўтган.
Шунақа миллий анъаналаримиз, қадриятларимиз бор. Меҳмондўстлик деймиз, бошқа деймиз, совғалар беришни яхши кўради биздаги инсонлар. Бу йил янги йилда ҳам шуни кузатдик. Қашқадарёдан тандир келади, Хоразмдан гуруч келади. Ҳамма жойда шу жараён бўлиб кетади.
Миллий анъаналар жамият ривожига тўсқинлик қиларкан, бу анъаналардан албатта воз кечиш керак. Йиллар давомида шаклланган бўлса ҳам ривожланиш таъсир қилаётган бўлса, барибир воз кечишимиз керак, қадрият бўлса ҳам, маданият бўлса ҳам.
Меҳмондўстлик, ўзбекчилик деган гапларимиз салбий контекстда ишлатиладиган бўлиб қоляпти. Аслида ўзбекчиликнинг тагида жуда беғубор ғоялар ётиши керак», деган у вазирлик, адлия органлари ва муассасаларининг 2020 йилдаги фаолияти, истиқболли режалари тўғрисидаги очиқ мулоқот вақтида.
Русланбек Давлетов амалдорларни тарбиялаш ҳукуматнинг вазифаси эканини таъкидлаб ўтган.
«Коррупция асосан қаерда бўляпти? Давлат иштирок этган бўғинда, яъни амалдорлар билан бўляпти, шунинг учун ҳам ҳукумат ўз амалдорларини тўғри тарбиялай олиши ва бу сигналларни жамиятга юбориши керак», дея қўшимча қилди у.
Eng ko'p o'qilgan Yangiliklar
